دکترمحمدانوربجارزهی
آخرین مطالب
امکانات وب
داں بـلــوچَے قـبــر پـرسـتی برجم اِنت
دِرّ ءُ دوچ ءُ جـنـگ ءُ کُستی برجم اِنت
تا کہ میرَئے دروغ چو شھدءُ شیرکن اَنت
گـژن ءُ گُرس ءُ تـنـگــدسـتی برجم اِنت
مئے سـروک وت دژمـنءَ چے بدتر اَنت
اے وڑءَ نوں ظلـمے ھستی برجم اِنت
حقَّء جُستءَ مرد چہ وابءَ پَدّْرَہ اَنت
ظلمِء زور ءُ کیـفے مستی برجم اِنت
لَـجَّء تَـنْک اَت جُو کہ مـرداں دَؤر کتگ
بے وفــائی زنـــد پہ پَـسـتـی برجم اِنت
شادہ اَنت کہ لَـجَّء جُـوّءَ گْوستگ اَنت
چو نزان اَنت ننگء سُـستی برجم اِنت
مشکل اِنت کہ چو غریـبے بود بہ کنت
واجـھـانی حرص دو دستی برجم اِنت
ھو! نثار رھشـون کہ پیـگَے پانگ اَنت
گُربـگَئے پْروش ءُ شـکستی برجم اِنت
+ نوشته شده در چهارشنبه بیست و سوم آذر ۱۴۰۱ ساعت 12:47 توسط A.kalmati
|
دکترمحمدانوربجارزهی...
ما را در سایت دکترمحمدانوربجارزهی دنبال میکنید
برچسب:
نویسنده:
بازدید: 62